იხილეთ წყარო გვერდისთვის შტაბი

'''შტაბი''' ''(გერმანული - Stab)'' – [[ჯარების მართვა|ჯარების (ძალების) მართვის]] ძირითადი ორგანო, რომელიც განკუთვნილია მათი საბრძოლო და ყოველდღიური საქმიანობის ხელმძღვანელობისათვის. შტაბები არის ყველა სახელმწიფოს [[შეიარაღებული ძალები|შეიარაღებულ ძალებში]] და სამხედრო მმართველობის ყველა რგოლში. 

შტაბის გაძლიერებისთვის გამოყოფილი პირადი შემადგენლობა – დამატებითი პირადი შემადგენლობა, რომლის დანიშნულებაა მრავალეროვნული გაერთიანებული ოპერატიულ-ტაქტიკური ჯგუფების შტაბის საბაზო ჯგუფების დამატებითი დაკომპლექტება. ასეთი [[სამხედრო მოსამსახურე]]ები, რომლებიც მშვიდობიანობის დროს [[სამხედრო სამსახური|სამხედრო სამსახურს]] გადიან ნატოს ერთ-ერთ შტაბში ან ნებისმიერი ქვეყანა, რომელმაც უნდა გამოყოს სამხედრო კონტინგენტი, დროებით მიეწერებიან მრავალეროვნული გაერთიანებული ოპერატიულ-ტაქტიკური ჯგუფების განსაზღვრულ შტაბს. მათი დანიშნულებაა ასეთი შტაბის ორგანიზაციულ-საშტატო განრიგით ისეთი თანამდებობების დაკავება, რომლებიც გათვლილია კრიზისის დროს მრავალეროვნული გაერთიანებული ოპერატიულ-ტაქტიკური ჯგუფების ოპერაციების ჩატარებაზე. 

შტაბის ძირითადი ამოცანებია: 
*უზრუნველყოს [[ჯარები]]ს (ძალების) საბრძოლო და სამობილიზაციო მზადყოფნა, ორგანიზაცია გაუწიოს მათი საბრძოლო და ყოველდღიური საქმიანობის ყველა სფეროს; 
*მოიპოვოს, შეაგროვოს, შეისწავლოს და შეაფასოს მონაცემები ვითარების შესახებ; 
*მოამზადოს გაანგარიშებები და წინადადებები [[სარდალი|სარდლის]] (მეთაურის) მიერ გადაწყვეტილებების მისაღებად; 
*დაგეგმოს ოპერაციები ([[საბრძოლო მოქმედებები]]ს); 
*გააცნოს [[ამოცანა (სამხედრო)|ამოცანები]] ჯარებს (ძალებს) და გააკონტროლოს მათი შესრულება; 
*უზრუნველყოს ურთიერთქმედება;
*ორგანიზება გაუწიოს ოპერატიულ (საბრძოლო), ტექნიკურ და ლოგისტიკურ უზრუნველყოფას; 
*აწარმოოს პირადი შემადგენლობის, შეიარაღების, [[სამხედრო ტექნიკა|სამხედრო ტექნიკის]] და სხვა მატერიალური საშუალებების აღრიცხვა; 
*ორგანიზება გაუწიოს [[საკომენდანტო სამსახური|საკომენდანტო სამსახურს]], ჯარების სამსახურებს და სხვა. 

დასახული ამოცანების მასშტაბის მიხედვით არის: გაერთიანებების, შენაერთების, ნაწილებისა და ქვედანაყოფების შტაბები; საქმიანობის მიხედვით – საერთო-საჯარისო (საერთო-საფლოტო), შეიარაღებული ძალების სახეობების, [[ჯარების გვარეობა|ჯარების (ძალების) გვარეობების]], სპეციალური ჯარებისა და ლოგისტიკის. დაჯგუფებების, საერთო-საჯარისო და სატანკო არმიების, არმიის კორპუსების შტაბები – საერთო-საჯარისოა, ხოლო ფლოტების, ფლოტილიების შტაბები – საერთო-საფლოტო. მათ ეკუთვნით წამყვანი როლი საერთო-საჯარისო (საერთო-საფლოტო) ოპერაციების (საბრძოლო მოქმედებების) დაგეგმვასა და ორგანიზაციაში.



==წყარო==
* [[ქართული სამხედრო ენციკლოპედიური ლექსიკონი]]
[[კატეგორია:სამხედრო სამსახურები]]
[[კატეგორია:სამხედრო ტერმინები]]
[[კატეგორია:შტაბები]]
[[კატეგორია:სამხედრო ადმინისტრაციული მართვა]]‏‎