ჩემპიონი (ატმის ჯიში)

ჩემპიონი

ჩემპიონი - (Champion). ამერიკული ატმის ჯიშია. ფართოდ გავრცელდა ყირიმში, სადაც ერთ–ერთ სამრეწველო ჯიშად იყო ცნობილი. საქართველოს რაიონებში შემოტანილია უკანასკნელ წლებში და ნაკლებად არის გავრცელებული. ნაყოფი მწიფდება აგვისტოს ბოლო რიცხვებში. ჩემპიონი ფასდება როგორც საუკეთესო გემოს სახრავი, უხვმოსავლიანი სუფრის ჯიში.

ხე

ხე ხასიათდება ძლიერი ზრდით, მომრგვალო ვარჯით. ფოთოლი განიერ–ლანცეტისებრია, მუქი მწვანე ფერის.

ნაყოფი

ნაყოფი მრგვალი ფორმისაა, ბოლოვდება პატარა ნისკარტით, ღარი გარკვეულად ემჩნევა. ნაყოფი საშუალო სიმსხოსია (5,5X5,5 სმ).

ნაყოფის კანი მკვრივია, ბაცი მოყვითალო–თეთრი ფერის, მზის მხარეზე ნაზი ვარდისფერი შეფერვით, რომელიც ზოგჯერ ფარავს ნაყოფის ზედაპირს 1/3–მდე. ნაყოფის კანი შებუსვილია ხავერდისებრი ბუსუსით.

ნაყოფის ხორცი თეთრი ფერისაა, კურკასთან ოდნავ წითელი, საშუალო სიმკვრივის, გემოთი ტკბილი, ძლიერ სურნელოვანი.

კურკა საშუალო სიდიდისაა, სრულ სიმწიფეში ხორცი სცილდება კურკას (ნახევრად საპობი).

წყარო

საქართველოს კულტურული ფლორის ატლასი = Атлас культурной флоры Грузии = Atlas for the cultivated Flora of Georgia / ნ. ხომეზურიშვილი და ელ. ერისთავი ; საქართველოს სსრ მიწსახკომი. ლ.პ. ბერიას სახელ. სას.-სამ. ინსტიტუტი. - თბილისი : ტექნიკა და შრომა, 1939-1951. - 30 სმ[MFN: 51572] თემატიკა: - საქართველოს კულტურული ფლორის ატლასები; ტ. 2 : საქართველოს სამრეწველო ხილის ჯიშები = Промышленные сорта плодов Грузии = Varietes of commercial Georgian Fruits. - 1941. - 217, LIV გვ. : ილ., 71 ჩართ. ფურც. ფერ. ილ.. - დამატებითი თავფურცელი რუსულ, ინგლისურ ენებზე. - ტექსტი ქართულ, რუსულ, ინგლისურ ენებზე. - 73მ., ყდა 7მ., 2500ც.[MFN: 52879] UDC: 634.1/7:631.526.32 თემატიკა: - ხილის ჯიშები საქართველოში;