ჩინური ბრტყელი ატამი
ჩინური ბრტყელი ატამი - (Peen-To Flat peach). სინონიმი: ხაჭაპურა (ქართლში) ატმის ჯიში წარმოშობით ჩინურია, ძველიდანვე გამოტანილი და ცნობილია ევროპასა და ამერიკაში.
საქართველოს პირობებში ჯიში პირველად შემოტანილი იყო შავი ზღვის სანაპიროებზე და შემდეგ გავრცელებული სხვა რაიონებში. მისი ნაყოფის ორიგინალური ბრტყელი ფორმა საუკეთესოა ატმის ჩასაწყობად ყუთებში. ეს ჯიში ჩვენს პირობებში ძლიერ ავადდება სოკოვანი დაავადებებით.
ხე ახალგაზრდობაში სუსტი ზრდისაა, შემდეგ ძლიერ ხედ იზრდება ცოცხისებრი ვარჯით, არახშირი დატოტვით.
ერთწლიანი ნაზარდი ძლიერ გრძელია, ბალახისფერი–მწვანე, ცალ მხარეზე მუქ-წითლად შეფერილი. კვირტი მსხვილი აქვს, ძლიერ შებუსვილი.
ფოთოლი განიერ–ლანცეტისებრია; ფოთლის ფირფიტა სწორია, წვრილად ხერხისებურად დაკბილული, მუქი მწვანე ფრის; ჯირკვალი 2–3–მდე აქვს, მუქი მოწითალო ფერისაა.
ნაყოფი ბრტყელი ფორმისაა. სიმაღლე უდრის 2,5 სმ-ს, სიგანე – 6 სმ-ს. ღრმაა, აშკარად ემჩნევა საბოლოო წერტილი მოთავსებულია ჩაზნექილ ნაყოფის წვერზე. ნაყოფის ყუნწი მოკლეა, მსხვილი, მწვანე ფერის, მაგრად მიმაგრებულია ნაყოფზე.
კანი მკვრივია, ღია მომწვანო–ყვითელი ფერის, მზის მხარეზე შეფერილია მკრთალ წითელ ფერად. ნაყოფი შეფერილია 1/3-ზე, შებუსვა მოკლე და ნაზი აქვს. ხორცი მოყვითალო თეთრი ფერისაა, რბილი, ნაკლებად წვნიანი, ძლიერ ტკბილი, თავისებური სურნელებით. კურკა მომრგვალო–ბრტყელი ფორმისაა, დასერილი ზედაპირით. ხორცი კურკას არ სცილდება. მწიფდება ივლისის ბოლო რიცხვებში.
