ჭუღური

ჭუღური

ჭუღური - ატმის სომხური ჯიშია. თავის სამშობლოში გვხვდება მისი კლონური სხვადასხვა ჯიშური ფორმები, რომლებიც უმთავრესად სიმწიფის დროით განირჩევიან.

საქართველოს რაიონებში ჭუღური გვხვდება თითო–ოროლა ხის სახით. ყინვების საკმაოდ გამძლეა, მოსავლიანი ჯიშია. ფასდება როგორც სუფრის ჯიში და აგრეთვე იყენებენ საკონსერვოდ.

ხე

ხე ხასიათდება ძლიერი ზრდით, მაღალი შეხების ვარჯით, ხშირი დატოტვითა და უხვი შეფოთვლით.ფოთოლი მსხვილი ლანცეტისებრია, მუქ მწვანე ფერის, კიდეაწეული.

ნაყოფი

ნაყოფი მსხვილია, ზოგჯერ ძლიერ მსხვილი, კვერცხისებრი ფორმის, ფუძესთან შევიწროებული, ბოლოვდება მსხვილი ნისკარტით.

ნაყოფის კანი სქელია, ღია მოყვითალო ძირითადი ფერით, რომლის ფონზეც ვარდისფერი წინწკლები და ზოლები მოიპოვება.

ნაყოფის ხორცი მკვრივია, ძლიერძარღვიანი, თეთრი ფერის, კურკასთან ძლიერ წითლად შეფერილი. ნაყოფის ხორცის თითქმის ნახევარზე ვრცელდება.

ტკბილი გემოსია, მცირე სიმწკლარტით. კურკა მსხვილი აქვს, ხორცი კურკას არ სცილდება.

წყარო

საქართველოს კულტურული ფლორის ატლასი = Атлас культурной флоры Грузии = Atlas for the cultivated Flora of Georgia / ნ. ხომეზურიშვილი და ელ. ერისთავი ; საქართველოს სსრ მიწსახკომი. ლ.პ. ბერიას სახელ. სას.-სამ. ინსტიტუტი. - თბილისი : ტექნიკა და შრომა, 1939-1951. - 30 სმ[MFN: 51572] თემატიკა: - საქართველოს კულტურული ფლორის ატლასები; ტ. 2 : საქართველოს სამრეწველო ხილის ჯიშები = Промышленные сорта плодов Грузии = Varietes of commercial Georgian Fruits. - 1941. - 217, LIV გვ. : ილ., 71 ჩართ. ფურც. ფერ. ილ.. - დამატებითი თავფურცელი რუსულ, ინგლისურ ენებზე. - ტექსტი ქართულ, რუსულ, ინგლისურ ენებზე. - 73მ., ყდა 7მ., 2500ც.[MFN: 52879] UDC: 634.1/7:631.526.32 თემატიკა: - ხილის ჯიშები საქართველოში;