ხაიაური ალაზა

21:47, 30 აპრილი 2022-ის ვერსია

ალაზა ხაიაური

ხაიაური ალაზა – (1936 – 1997), პოეტი. დაიბადა დულუზაურებში (თიანეთი). გამოცემული აქვს კრებულები „მრავალჟამიერი“ (1971), „მამულს სიმღერას ვურანდავ“ (1998).

* * *

ცოტაა წუთისოფელი

სიფრთხილე უნდა ცოტასა,

ნეტავ მას, ვინც არ წაიღებს

საფლავში არც ერთ ცოდვასა...

რაა იმაზე სიკვდილი

ცოცხალს ეთქმოდეს – მკვდარია,

იარე იორივითა –

შმორდება გუბედ მდგარია...

რად ჩნდება ვისი სიცოცხლეც

სიცოცხლეშივე მჭკნარია,

ბევრ ღირსეულს კი უდროოდ

ერგო სამარის კარია...

სამყარო არის სატახტო,

სიცოცხლე მეფედ მჯდარია,

დღე-ღამის ესხმის ფოთოლი –

ჰყავს საუკუნეთ ჯარია,

იქ ვერ გვარობენ ყორნები

სადაც არწივნი არიან!

წყარო

ქართველი პოეტები (ენციკლოპედია)