ჯაყდანანა

ჯაყდანანა − აჭარის საცეკვაო ფოლკლორის მნიშვნელოვან ელემენტს – ჯაყდანანა წარმოადგენდა. მისი საშემსრულებლო ასპარეზი მხიარულება-გართობის თავყრილობები, ქორწილი, ხალხური დღესასწაულები იყო. ცეკვის თანმხლებ აუცილებელ მომენტებს შაირები და მისამღერი შეადგენდა. პაექრობაში ორი პირი მონაწილეობდა.

სახელი ჯაყდანანა ორ შემსრულებელს შორის ცეკვითა და კაფიობით, სიმღერის თანხლებით შეჯიბრებას გულისხმობდა. აჭარულში ჯაყ (ჯახ) შეჯახებას, შეჯიბრებას ნიშნავდა, ნანა კიდევ ნელ გამღერებაზე უნდა მიუთითებდეს.