Papentucellia latifolia Caruel
NPLG Wiki Dictionaries გვერდიდან
Papentucellia latifolia Caruel – ოჯახი: შავწამალასებრნი (Scrophulariaceae). 10-30 სმ სიმაღლის ერთწლიანი ბალახოვანი მცენარეა. ჯირკვლოვან-ბეწვიანი. ღერო სწორად მდგომია, მარტივი ან დატოტვილი. ღეროსეული ფოთოლი 4-8 წყვილია, ფართო-კვერცხისებური, კიდედაკბილული. გვირგვინი მეწამულია, ქვედა ტუჩი სამნაკვთიანი. ყვავილები იღლიურია. ყვ. ნაყ. IV-V. მცენარე იზრდება ველებზე, მდელოებზე და ბუჩქნარებში, ტენიან ადგილებში, ზოგან – მასიურად. კახეთში მისი ნახვა შესაძლებელია სოფელ ბაბანეურისა და ქალაქ ყვარლის მიდამოებში. გავრცელებულია, ძირითადად, აღმოსავლეთ საქართველოში.
