აცა მაისურაძე

   შალვა (აცა) მაისურაძე დაიბადა 1933 წელს. 1961 წელს დაამთავრა სასოფლო-სამეურნეო ინსტიტუტის ტექნოლოგიური ფაკულტეტი და მიენიჭა მეღვინის კვალიფიკაცია. იმავე წელს სამუშაოდ გაანაწილეს გურჯაანის ღვინის ქარხანაში. 1963 წლიდან მუკუზნის ღვინის ქარხნის საამქროს უფროსია, ხოლო 1969 წლიდან – მუკუზნის N 2 ღვინის ქარხანაში ინიშნება მთავარ მეღვინედ.

   1975 წლიდან იწყებს მუშაობას მანავის ღვინის კომბინატის გენერალური დირექტორის მოადგილის თამადებობაზე, სადაც მუშაობს 1993 წლამდე. შემდეგ გადადის სამუშაოდ გაერთიანება "სამტრესტი"–ს კომერციული სამმართველოს მთავარი სპეციალისტად და 1997 წლიდან – "სამტრესტი"–ს ცენტრალური ლაბორატორიის უფროსის მოადგილეა. 

მინიჭებული აქვს მთავრობის ჯილდოები.

   1998 წლიდან აცა მაისურაძე პენსიაზეა. 

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 343 გვ.