ვაჟა ულარჯიშვილი

   ვაჟა ულარჯიშვილმა 1966 წელს დაამთავრა სასოფლო-სამეურნეო ინსტიტუტის ტექნოლოგიური ფაკულტეტი და მიენიჭა მეღვინის კვალიფიკაცია. 

   1967 წლიდან მუშაობას იწყებს "სამტრესტი"–ს ახალციხის ღვინის ქარხანაში მეღვინედ, შემდეგ მთავარ ტექნოლოგად. 1975 წლიდან საქართველოს კვების მრეწველობის სამეცნიერო-კვლევითი ინსტიტუტის მეღვინეობის განყოფილების მეცნიერ-მუშაკია.

   1977 წელს მიემგზავრება უკრაინაში და 1980 წლამდე უკრაინის "მაგარაჩის" სამეცნიერო-კვლევითი ინსტიტუტის ასპირანტი ხდება. იქვე იცავს დისერტაციას.

   1980 წლიდან, 25 წლის განმავლობაში, მუშაობდა "სამტრესტი"–ს შამპანური ღვინოების ქარხანაში მთავარ შამპანისტად და მთავარ ინჟინრად.

   2004 წლიდან მიდის კერძო ბიზნესში – შპს "ღვინის სამყაროს" დამფუძნებელი და დირექტორია.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 344 გვ.