ზურაბ სტურუა

   ზურაბ სტურუამ 1964 დაამთავრა მოსკოვის კვების მრეწველობის ტექნოლოგიური ინსტიტუტი და მუშაობა დაიწყო საქართველოს კვების მრეწველობის სამეცნიერო-კვლევით ინსტიტუტში. 1969 წლიდან ყირიმში, იალტაში ჩაირიცხა "მაღარაჩის" ინსტიტუტის ასპირანტურაში, რომლის დამთავრების შემდეგ ბრუნდება საქართველოში. 

   1975 წლიდან ინიშნება "სამტრესტი"–ს სიღნაღის ღვინკომბინატის გენერალურ დირექტორად, 1981 წელს – სამეცნიერო ცენტრის დირექტორის მოადგილედ, ხოლო 1982 წლიდან – მმართველის მოადგილეა. 1997 წლიდან საქართველოს სოფლის მეურნეობის სამინისტროს კვების მრეწველობის დეპარტამენტის უფროსია. 2001 წლიდან მევენახეობა-მეღვინეობის კვლევითი ინსტიტუტის წამყვანი მეცნიერ-მუშაკია, ხოლო 2006 წლიდან იმავე ინსტიტუტის ექსპერტ-კონსულტანტი.

   მისი თანაავტორობით შეიქმნა ისეთი ქართული სუფრის ღვინოები, როგორებიც არის: "შუამთა", "სამება", "აგუნა", "საჩინო". "მთაწმინდა" და სხვა. არის საერთაშორისო კლასის ექსპერტ-დეგუსტატორი და ითვლება საერთაშორისო მეღვინეობა-მევენახეობის აკადემიის ნამდვილ წევრად.

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 345 გვ.

• საერთაშორისო მეღვინეობა - მევენახეობის აკადემია, ნამდვილი წევრი