ვასილ ბოყოჩაძე

   ვასილ ბოყოჩაძემ, 1961 წელს, დაამთავრა სასოფლო-სამეურნეო ინსტიტუტის ტექნოლოგიური ფაკულტეტი და იმავე წელს დაინიშნა "სამტრესტი"–ს გომის სპირტის ქარხანაში ცვლის ინჟინერ-ტექნოლოგად. 

   1962 წლიდან, ს. ბოყოჩაძე, 52 წლის განმავლობაში, მუშაობს თბილისის კონიაკის ქარხანაში სხვადასხვა საპასუხისმგებლო თანამდებობებზე, ხოლო 1980 წლიდან კონიაკის სპირტების დაძველების საამქროს უფროსია. 

   როგორც კონიაკის გამოცდილი სპეციალისტი, 1967-1969 წლებში იგი მივლინებული იყო საკავშირო გაერთიანება "სოიუზპლოდიმპორტის" მიერ კვიპროსში კონიაკის სპირტების გამოხდის, შერჩევისა და სსრკ-ში კასრებით გამოგზავნის მიზნით. სამი წლის განმავლობაში მისი მეთვალყურეობით გამოხდილ იქნა დიდი რაოდენობით საკონიაკე სპირტები, რომელიც შემდგომ გამოიგზავნა საბჭოთა კავშირში და იქიდან ნაწილი - თბილისის კონიაკის ქარხანაში. დღესაც ქარხანაშია მაშინ გამოგზავნილი გერმანული და კვიპროსის მუხის კასრები. ბატონი ვასილი დაჯილდოებულია მთავრობის ჯილდოებით.

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 349 გვ.