მურმან ქურიძე

   მურმან ქურიძემ 1967 წელს დაამთავრა სასოფლო-სამეურნეო ინსტიტუტის ტექნოლოგიური ფაკულტეტი მეღვინეობის განხრით და დაიწყო მუშაობა ქ. ლენინგრადის "სამტრესტი"–ს ღვინის ქარხანაში ტექნოლოგად, საამქროს უფროსად. 1971 წელს ბრუნდება საქართველოში და იწყებს მუშაობს საქართველოს კვების მრეწველობის სამეცნიერო-კვლევითი ინსტიტუტის ღვინის მრეწველობის განყოფილებაში მეცნიერ-მუშაკად.

   1975 წელს სწავლა განაგრძო ქ. იალტაში მევენახეობისა და მეღვინეობის საკავშირო-სამეცნიერო კვლევით ინსტიტუტ "მაგარაჩის" ასპირანტურაში, სადაც 1978 წელს დაიცვა დისერტაცია და მიენიჭა ტექნიკის მეცნიერებათა კანდიდატის წოდება. 

   1978 წლიდან 2004 წლამდე მუშაობს - საქართველოს კვების მრეწველობის სამეცნიერო-კვლევითი ინსტიტუტის ღვინის მრეწველობის განყოფილების უფროს მეცნიერ-მუშაკად; კაჭრეთის ღვინის ქარხნის მთავარ ინჟინერ-ტექნოლოგად; თბილისის შამპანური ღვინოების ქარხნის დირექტორის მოადგილედ წარმოების დარგში. საქართველოს კვების მრეწველობის სამეცნიერო-კვლევით ინსტიტუტში უფროს მეცნიერ-მუშაკად.

    მისი ინიციატივით დასახელება "მუხრანი" შეიცვალა და დარეგისტრირდა დასახელებით "ბაგრატიონი 1882".

   2004-2008 წლებში არჩეულ იქნა საქართველოს პარლამენტის წევრად. 2006 წლიდან – საქართველოს პარლამენტის აგრარული კომიტეტის თავმჯდომარის მოადგილედ.

   2008 წლიდან 2012 წლამდე მუშაობდა საქ. კონტროლის პალატაში სოფლის მეურნეობის მთავარ ექსპერტად; საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის დირექტორად.

   2008 წელს, მისი უშუალო ინიციატივით, საქართველოში ჩატარდა OIV-ის ეგიდით საერთაშორისო დეგუსტაცია. 2010 წელს - მეღვინეობის 33-ე საერთაშსორისო კონგრესი. 2013 წელს მისი ინიციატივით დაფუძნდა საქართველოს ენოლოგთა ეროვნული კავშირი, რომლის თამჯდომარედ დამფუძნებლებმა აირჩიეს ბატონი მურმანი. 

   არის მეღვინეობის საერთაშორისო აკადემიის ნამდვილი წევრი.

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 351 გვ.

• მეღვინეობის საერთაშორისო აკადემია, ნამდვილი წევრი