
	English Georgian

The directory represents a bibliographic database of those involved in developing of The matter of Georgian wine, champagne like, other alcoholic drinks, and in general, Viticulture and winegrowing in Georgia.

The national Library applies to the experts of viticulture and winegrowing, Researches and people concerned to provide the Library with the photos and the Biographical data of the famous Georgian winegrowers known to them for allocating Materials in the given database.

• Suggest a Biography

Correction

ვალერიან ქანთარია

Date of birth:	23 June, 1900
Date of death:	16 June, 1973 (at 72 years)
Category:	Manufacturer

Biography

ვალერიან ქანთარია დაიბადა 1900 წლის 23 ივნისს. 1926 წელს, თბილისის სახელმწიფო უნივერსიტეტის აგრონომიული ფაკულტეტის დამთავრების შემდეგ, მუშაობდა სკოლაში პედაგოგად. 1931–1937 წლებში – თელავის მევენახეობისა და მეღვინეობის საკავშირო ინსტიტუტის უფროს მეცნიერ-თანამშრომლად.

1937 წლიდან ვალერიან ქანთარია იწყებს მუშაობას ს. ჩოლოყაშვილის ხელმძღვანელობით საქართველოს სასოფლო-სამეურნეო ინსტიტუტის მევენახეობის კათედრაზე, სადაც 1947 წელს დაიცვა სადოქტორო დისერტაცია, ხოლო ს. ჩოლოყაშვილის გარდაცვალების შემდეგ გახდა მევენახეობის კათედრის გამგე. იგი იკვლევდა ვაზის ქირურგიის თეორიასა და პრაქტიკას, ვაზის აგროტექნიკასა და სელექციას. გამოიყვანა სუფრის ყურძნის ახალი ჯიში - „თბილისური“. მან, პროფესორ მაქსიმე რამიშვილთან ერთად, გამოსცა მევენახეობის სრული კურსი, რომელიც მევენახეობის სახელმძღვანელოდ ითვლებოდა.

ვ. ქანთარია იყო 170 სამეცნიერო შრომის ავტორი, 1957 წლიდან – მეცნიერებათა აკადემიის წევრ-კორესპონდენტი, 1961 წლიდან – საქართველოს სსრ მეცნიერებათა დამსახურებული მოღვაწე. დაჯილდოვებულია შრომის წითელი 2 ორდენითა და მედლებით.

ბატონი ვალერიანი გარდაიცვალა 1973 წლის 16 ივნისს.

წყარო: ქართული ღვინისა და ალკოჰოლური სასმელების მატიანე / ბონდო კალანდაძე; თბილისი: პეტიტი, 2008. - 223 გვ.

წყარო: https://ka.wikipedia.org/wiki/ვალერიან_ქანთარია

Awards and Honors

მედლები
შრომის წითელი 2 ორდენი