გიორგი ქარუმიძე

   მეორე მსოფლიო ომის დამთავრების შემდეგ, "სამტრესტმა" შეისყიდა თადეოზ ჩოლოყაშვილის ცნობილი ქარხანა–მარანი, რომელიც საგარეჯოს რაიონის სოფელ ხაშმში მდებარეობდა. გიორგი ქარუმიძე იყო პირველი დირექტორი, რომელიც "სამტრესტის" მიერ ჩოლოყაშვილის მარანში დირექტორად დაინიშნა. მანამდე ის, თავის ძმასთან ერთად დავით სარაჯიშვილის ლიქიორ–არყის ქარხანაში მუშაობდა.

   ქარხნის ტერიტორიაზე განლაგებული იყო ყურძნის მიმღები და სადუღარი განყოფილება, ღვინის შესანახი ცემენტის, რკინისა და ემალის ავზები. ამ ქარხანაში ბარდებოდა საგარეჯოს რაიონში მოწეული საფერავის მთელი მოსავალი. გლეხებს სტიმული რომ ჰქონოდათ და კარგი მოსავლისათვის ეზრუნათ, ყურძენს საკმაოდ მაღალ ფასად იბარებდნენ.

   საფერავი ერთ–ერთი მაღალხარისხოვანი ვაზის ჯიშია კახეთში და მისი ყურძნისაგან მაღალი ღირსების სუფრის წითელი ღვინოები მზადდება. ნოდარ დუმბაძემ ხაშმის საფერავს "დევის სისხლი" უწოდა.

    წყარო: საქართველო – ღვინის აკვანი / ბონდო კალანდაძე; თბილისი, 2015. - 219 გვ.