თენგიზ კეკელიძე

      თენგიზ კეკელიძე დაიბადა ქ. თბილისში, 1927 წელს.

      1947 წელს დაამთავრა ქ. თბილისის მე- 8 საშუალო სკოლა წარჩინებით და სწავლა განაგრძო საქართველოს პოლიტექნიკური ინსტიტუტის სამთო ფაკულტეტზე ინჟინერ-გეოლოგის კვალიფიკაციით. 1961 წელს ამთავრებს საქართველოს სუბტროპიკული მეურნეობის ინსტიტუტს ინჟინერ-ტექნოლოგის კვალიფიკაციით.

     1953 წლიდან მუშაობდა საქართველოს გეოლოგიურ სამმართველოში სპეციალობით, სხვადასხვა თანამდებობებზე. 1961 წლიდან მუშაობას იწყებს ქვემო ჭალის ღვინის ქარხანაში უფროს ოსტატად და 1965 წლამდე მუშაობს მცხეთის ქარხსამმართველოს მთავარ ინჟინრად.

     1965 წლიდან ოკამის ღვინის ქარხნის დირექტორია. იგი იყო ოკამის ღვინის ქარხნის დამაარსებელი, პირველი დირექტორი, რისთვისაც ამ ქარხანას 1994 წელს მიენიჭა თენგიზ კეკელიძის სახელი და იქ დაიდგა მისი ბიუსტი.

    მიღებული ჰქონდა მთავრობის ჯილდოები. 

    თენგიზ კეკელიძე გარდაცვალებამდე მუშაობდა საწარმოო გაერთიანება "თბილღვინოს" გენერალურ დირექტორად. 1992 წელს იგი გარდაიცვალა.

 წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 174 გვ.