ომარ პატარიძე

   ომარ პატარიძე დაიბადა 1927 წელს ქალაქ ქუთაისში. 

   1947 წელს დაამთავრა ქუთაისის მე-9 ვაჟთა საშუალო სკოლა და სწავლა განაგრძო მოსკოვის კვების ტექნოლოგიის ინსტიტუტის ტექნოლოგიურ ფაკულტეტზე, რომელიც დაამტავრა 1952 წელს. ინსტიტუტის დამთავრების შემდეგ, 1988 წლამდე, მუშაობს: ვარციხის საბჭოთა მეურნეობაში ბრიგადირად; ქუთაისის ღვინის ქარხანაში მეღვინედ; სიმონეთის ღვინის ქარხანაში მთავარ მეღვინედ; მაიაკოვსკის ქარხსამმართველოს მთავარ მეღვინედ; ქუთაისის ღვინის ქარხანაში მეღვინედ; თერჯოლის ღვინის ქარხანაში წარმოების უფროსად, თერჯოლის ქარხსამმართველოს დირექტორის მოადგილედ. 1989 წლიდან სიცოცხლის ბოლომდე იმუშავა სიქთავერის ღვინის ქარხნის დირექტორად და მთავარ მეღვინედ. მას დიდი წვლილი მიუძღვის სიქთავერის ღვინის ქარხნის აღორძინება-სრულყოფაში.

    მიღებული ჰქონდა მეღვინეობის საკითხებზე ორი საავტორო მოწმობა გამოგონებაზე და მთავრობის ჯილდოები.

    ომარ პატარიძე გარდაიცვალა 1997 წელს.

    წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 177 გვ.