ზაქარია პეტრიაშვილი

   ზაქარია პეტრიაშვილი დაიბადა 1925 წელს ამბროლაურის რაიონის სოფელ სხვავში.

   1943 წელს დაამთავრა ამბროლაურის ზოოვეტერინალური ტექნიკუმი. 1948 წელს სწავლა განაგრძო  საქართველოს სასოფლო-სამეურნეო ინსტიტუტში ღვინის წარმოების ტექნოლოგის სპეციალობით, რომელიც დაამთავრა 1953 წელს. 

   1943-1945 წლებში სამხედრო სამსახურში - სამამულო ომის მონაწილეა.

   ინსტიტუტის დამთავრებიდან 1993 წლამდე მუშაობდა: ვანის ღვინის ქარხანაში ტექნოლოგად; გუდაუთის ღვინის ქარხანაში სპირტის საამქროს ტექნოლოგად; სოფელ ბადიაურის ღვინის ქარხანაში უფროს მეღვინედ, ქარხნის დირექტორად; საგარეჯოს ღვინის ქარხნების (საგარეჯო, მანავი, ხაშმი, ბადიაური) გაერთიანების გენერალურ დირექტორად; ბადიაურის ღვინის ქარხანაში დირექტორად და მთავარ მეღვინედ (1981 - 1993).

    მიღებული ჰქონდა მთავრობის ჯილდოები - შრომის წითელი დროშის ორდენი და მედლები.

    ზაქარია პეტრიაშვილი გარდაიცვალა 1993 წელს.

 წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 166 გვ.

• მედლები
• შრომის წითელი დროშის ორდენი