იოსებ საყვარელიძე

   იოსებ საყვარელიძე დაიბადა 1921 წელს. ინსტიტუტის დამთავრების შემდეგ მუშაობა დაიწყო წინანდლის ღვინის ქარხანაში მეღვინედ, შემდეგ ზუგდიდის, მარნეულის, ყულარის ღვინის ქარხნებში მთავარ ინჟინრად, თბილისის N3 ღვინის ქარხნისა და ბადიაურის ღვინის ქარხნის ტექნოლოგად. შემდეგ მისი მოღვაწეობა გაგრძელდა "სამტრესტი"–ს ღვინის ქარხანებში -ვოლგოგრადში, ყაზანში, გორლოვკაში, როსტოვში.

   1990 წელს დაბრუნდა საქართველოში და დაინიშნა სააქციო საზოგადოება "ვაზიანში" ინჟინერ-ტექნოლოგად, სადაც იმუშავა სიცოცხლის ბოლომდე. 

   იოსებ საყვარელიძე გარდაიცვალა 1995 წელს.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 321 გვ.