ჯემალ საყვარელიძე

   ჯემალ საყვარელიძე დაიბადა 1934 წელს მაიაკოვსკის რაიონის სოფელ დიმში.

   1953 წელს დაამთავრა დიმის საშუალო სკოლა, 1960 წელს ქუთაისის სასოფლო-სამეურნეო ინსტიტუტის ტექნოლოგიური ფაკულტეტი და მიენიჭა ინჟინერ-ტექნოლოგის კვალიფიკაცია.

   1956 წლიდან 1992 წლამდე იმუშავა: ქუთაისის საკონსერვო ქარხანაში ბრიგადირად; მაიაკოვსკის ქარხსამმართველოს დიმის ღვინის ქარხანაში ბრიგადირად, მეღვინედ; დიმის კონიაკის ქარხანაში ოსტატად; ობჩის ღვინის ქარხანაში ოსტატად; ვანის ღვინის ქარხანაში ოსტატად, მეღვინედ; მაიაკოვსკის ქარხსამმართველოს წითელი ხევის ღვინის ქარხანაში ოსტატ-მეღვინედ, უფროს ოსტატად; ვარციხის ღვინის ქარხანაში ოსტატად, წარმოების უფროსად, 1992 წლიდან დირექტორად.

   1998 წელს ჯემალ საყვარელიძე გარდაიცვალა.

   წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 194 გვ.