შალვა სარუხანაშვილი

   შალვა სარუხანაშვილი დაიბადა 1908 წელს ქ. თბილისში.

   1926 წელს დაამთავრა სოფელ კულაშის ცხრაწლიანი შრომის სკოლა და სწავლა განაგრძო საქართველოს სასოფლო-სამეურნეო ინსტიტუტის მებაღეობა-მევენახეობის ფაკულტეტზე, რომელიც დაამთავრა 1931 წელს. იმავე წელს დაიწყო მუშაობა "სამტრესტი"–ს ღვინის მესამე ქარხანაში მეღვინე-ტექნოლოგად. შემდეგ, 1933 წლიდან 1983 წლამდე იმუშავა: არციხის ღვინის ქარხანაში მეღვინე-შამპანისტად; ქუთაისის ღვინის ქარხანაში შამპანისტად; მუხრანის საბჭოთა მეურნეობაში დირექტორის მოადგილედ და უფროს მეღვინედ; ავჭალის მშენებარე შამპანურის ღვინოების ქარხანაში, ბოთლური მეთოდით ღვინის შამპანიზაციის საამქროს უფროსად; მეღვინეობის ინსპექტურის ტექნოლოგიური ლაბორატორიის გამგედ.

    ითვლებოდა ბოთლური მეთოდით ღვინის შამპანიზაციის წამყვან სპეციალისტად.

    1964 წელს მიენიჭა საქართველოს დამსახურებული მეღვინის საპატიო წოდება. მიღებული ჰქონდა მთავრობის ჯილდოები.

    1992 წელს შალვა სარუხიშვილი გარდაიცვალა.

    წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 111 გვ.

• საქართველოს დამსახურებული მეღვინის საპატიო წოდება