ნადია ვარდანაშვილი

    ნადია ვარდანაშვილი დაიბადა 1905 წელს, გორის რაიონის სოფელ ახალუბანში.

    1920 წელს დაამთავრა სოფელ მეჯვრისხევის რვაწლიანი სკოლა და სწავლა განაგრძო თბილისის მე-15 საშუალო სკოლაში. სკოლის დამთავრების შემდეგ, ამთავრებს საქართველოს სასოფლო-სამეურნეო ინსტიტუტს ინჟინერ-ტექნოლოგის კვალიფიკაციით.

    ნ. ვარდანაშვილმა, 1934 წელს დაიწყო მუშაობა და 1948 წლამდე იმუშავა მუკუზანის, მანავის, თბილისის N1 ღვინის ქარხანებში მთავარ სპეციალისტად. 1949–1951 წლებში, იგი მუშაობს ბათუმის ღვინის ქარხანაში მთავარ ტექნოლოგად, 1951 –1953 წლებში – ბორჯომის ღვინის ქარხანაში მთავარ ინჟინრად, 1954 - 1963 წლებში – დიღმის სასწავლო საცდელ მეურნეობაში მთავარ მეღვინედ და 1968 წლამდე – სურამის ღვინის ქარხანაში მთავარ ინჟინრად.

    მას მინიჭებული ჰქონდა საქართველოს დამსახურებული მეღვინის საპატიო წოდება.

    ქალბატონი ნადია გარდაიცვალა 1970 წელს.

    წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 95 გვ.

• საქართველოს დამსახურებული მეღვინის საპატიო წოდება