მიხეილ ვარდანაშვილი

    მიხეილ ვარდანაშვილი დაიბადა 1919 წელს გორის რაიონის სოფელ ახალუბანში, სადაც მიიღო შვიდი კლასის განათლება. სწავლა განაგრძო თბილისის საშუალო სკოლაში. სკოლის დამთავრების შემდეგ, დაამთავრა საქართველოს სასოფლო-სამეურნეო ინსტიტუტი მეღვინე-ტექნოლოგის კვალიფიკაციით.

     მ. ვარდანაშვილმა იმუშავა კარდენახის, ორჯონიკიძის, მუკუზანის, ზეგანის ღვინის ქარხნებში მეღვინედ და, პენსიაზე გასვლამდე, სოფელ შრომის ღვინის ქარხანაში მთავარ მეღვინედ.

     ბატონ მიხეილს მიღებული ჰქონდა მთავრობის ჯილდოები - შრომის წითელი დროშის ორდენი და მედლები.

 წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 149 გვ.

• მედლები
• შრომის წითელი დროშის ორდენი