ნოდარ მაჭავარიანი

    ნოდარ მაჭავარიანი დაიბადა 1920 წელს ქ. თბილისში.

    1946 წელს დაამთავრა საქართველოს სასოფლო-სამეურნეო ინსტიტუტი და, 1989 წლამდე, იმუშავა ღვინის ქარხანაში მეღვინედ; საქართველოს მებაღეობის, მევენახეობა-მეღვინეობის სამეცნიერო კვლევით ინსტიტუტში. ხელმძღვანელობდა ინსტიტუტის ექსპერიმენტულ ღვინის ქარხანას.

    1952 წელს დაამთავრა მეხილეობა-მევენახეობა-მეღვინეობის სამეცნიერო კვლევითი ინსტიტუტის ასპირანტურა და მიენიჭა ტექნიკურ მეცნიერებათა კანდიდატის წოდება. 

    გამოქვეყნებული ჰქონდა მეცნიერული შრომები მეღვინეობის საკითხებზე. დაჯილდოებული იყო სსრკ სახალხო მეურნეობის მიღწევათა გამოფენის მედლებით.

    ნოდარ მაჭავარიანი გარდაიცვალა 1990 წელს.

 წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 150 გვ.

• სსრკ სახალხო მეურნეობის მიღწევათა გამოფენის მედლები