ოთარ ბაღაშვილი

   ოთარ ბაღაშვილი დაიბადა სიღნაღის რაიონის სოფელ მაღაროში, 1924 წელს.

   იგი სწავლობდა ბაკურციხის სასოფლო - სამეურნეო ტექნიკუმში. 1953 წელს დაამთავრა საქართველოს სასოფლო - სამეურნეო ინსტიტუტის ტექნოლოგიური ფაკულტეტი და მიენიჭა ინჟინერ-ტექნოლოგის კვალიფიკაცია.

   1942 - 1946 წლებში საბჭოთა არმიის რიგებშია.

    ო. ბაღაშვილი მუშაობდა:გურჯაანის ღვინის ქარხანაში ქიმიკოსად (1946 - 1954); ბადიაურის ღვინის ქარხანაში ლაბორატორიის გამგედ (1954 -1955), ინჟინერ - ტექნოლოგად (1955 - 1961), ქარხნის დირექტორად (1961 - 1962); საგაარეჯოს სამტრესტის ქარხანსამმართველოს დირექტორად (1962 - 1969); ხაშმის ღვინის ქარხნის უფროს მეღვინედ (1969 - 1971); მანავის ღვინის ქარხნის დირექტორის მოვალეობის შემსრულებლად (1971 - 1973); წარმოების უფროსად (1973 - 1980); ბადიაურის ღვინის ქარხნის წარმოების გამგედ (1980 - 1983); საგარეჯოს აგრო სამრეწველო გაერთიანებაში წამყვან სპეციალისტად (1988 - 1998). 

     ბატონ ოთარი გარდაიცვალა 1998 წელს. 

     წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 161 გვ.