აველი ჩიკვილაძე

     აველ ჩიკვილაძე დაიბადა 1938 წელს ონის რაიონის სოფელ ლაჩათში.

     1958 წელს დაამთავრა ონის ვაჟთა საშუალო სკოლა და სწავლა განაგრძო საქართველოს სუბტროპიკული მეურნეობის ინსტიტუტში, რომელიც დაამთავრა 1965 წელს ინჟინერ-ტექნოლოგის კვალიფიკაციით.

     1967 წლიდან 1980 წლამდე მუშაობდა – ონის კოლმეურნეობაში, რძისა და ღვინის ქარხნებში მუშად; ბოდბე-მაღაროს ღვინის ქარხანაში მეღვინედ, დირექტორის მოადგილედ.

     1980 წელს, ბოდბე-მაღაროს ღვინის ქარხანაში მომხდარი ტრაგედიის დროს მან სიკვდილს გადაარჩინა ქარხნის ორი მუშა, თვითონ კი გარდაიცვალა.

     წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 199 გვ.