ემილ ჩაფიძე

   ემილ ჩაფიძე დაიბადა 1906 წელს ზესტაფონში, რკინიგზელის ოჯახში.

   ზესტაფონის საშუალო სკოლის დამთავრების შემდეგ სწავლა განაგრძო თბილისის სახელმწიფო უნივერსიტეტის აგრონომიულ ფაკულტეტზე. 

   სამამულო ომის დაწყებამდე, მუშაობდა  საქართველოს სასოფლო-სამეურნეო ინსტიტუტში, შემდეგ თბილისის შამპანური ღვინოების ქარხანაში წამყვან ინჟინერ-ტექნოლოგად, ტექნიკურ დირექტორად.

   1941 წლიდან მონაწილეობდა დიდ სამამულო ომში.

   დემობილიზაციის შემდეგ კვლავ განაგრძო მუშაობა შამპანური ღვინოების ქარხანაში. 

   გაგზავნილ იყო კრასნოდარის მხარეში, როგორც ამ საქმის კარგი მცოდნე, ამ მხარის აბრაუ-დიურსოს მევენახეობა-მეღვინეობის კომბინატის კომბინატის დირექტორად. დაუღალავი შრომით მოკლე დროში აღადგინა მევენახეობა-ეღვინეობა ამ მხარეში და ხელმძღვანელობის მაღალი შეფასება დაიმსახურა. დაჯილდოვდა ლენინის ორდენით.

   1952 წელს ბრუნდება სამუშაოდ თბილისში და გარდაცვალებამდე მუშაობს "სამტრესტი"–ს სისტემაში სხვადასხვა თანამდებობებზე – 1961 წელს "სამტრესტი"–ს მმართველად და 1966 წლამდე მმართველის პირველ მოადგილედ.

   სწავლობდა შამპანური ღვინო მასალებისთვის გამოსადეგ ქართულ ვაზის ჯიშებს.

   მინიჭებული ჰქონდა: საქართველოს დამსახურებული მეღვინის საკავშირო კვების მრეწველობის წარჩინებული მუშაკის საპატიო წოდება. იყო რაციონალიზატორი და გამომგონებელი, საკავშირო სადეგუსტაციო კომისიის მუდმივი წევრი. მიღებული ჰქონდა მთავრობის ჯილდოები.

   ემილ ჩაფიძე გარდაიცვალა 1988 წელს. 

   წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 34 გვ.

• საკავშირო სადეგუსტაციო კომისია, მუდმივი წევრი

• ლენინის ორდენი