ირაკლი ჩოლობარგია

    ირაკლი ჩოლობარგია დაიბადა 1972 წლის 17 ივნისს. 1995 წელს დაამთავრა თბილისის სახელმწიფო უნივერსიტეტის ინგლისური ენისა და ლიტერატურის ფაკულტეტი, ხოლო 1999 წელს – იურიდიული ფაკულტეტი თბილისის სოციალურ-ეკონომიკურ ინსტიტუტში. ინსტიტუტის დამთავრების შემდეგ მუშაობა დაიწყო შპს "ქართული ღვინისა და ალკოჰოლური სასმელების კომპანიაში" (GWS) მარკეტინგის დეპარტამენტის დირექტორად.

    2003-2004 წლებში სწავლობდა მონაკოს საერთაშორისო უნივერსიტეტში. ფლობს ბიზნესადმინისტრირების მაგისტრის წოდებას (MBA). გავლილი აქვს ბრენდინგისა და მარკეტინგის სემინარები (მათ შორის ღვინისა და მაგარი ალკოჰოლური სასმელებისა) პარიზში, რომელთა ორგანიზატორიც იყო ალკოჰოლური სასმელების უდიდესი საერთაშორისო კორპორაცია "Pernod Ricard" . სწავლებას უძღვებოდა გამოჩენილი მარკეტოლოგი და ბრენდინგის პროფესორი ჟან-ნოელ კაპფერერი. 

   2005 წლიდან 2010 წლამდე იყო კომპანია "საზოგადოება - ლევან გაჩეჩილაძე" აღმასრულებელი დირექტორი და ერთ - ერთი დამფუძნებელი. 2012 წლიდან მუშაობს სსიპ ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის უფროსად.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 192 გვ.