ზურა ჩხეტიანი

   ზურა ჩხეტიანმა, სკოლის დამთავრების შემდეგ, სწავლა განაგრძო სასოფლო–სამეურნეო ინსტიტუტში.

   "სამტრესტი"–ს სისტემაში მუშაობა დაიწყო 1964 წლიდან სხვადასხვა ქარხანაში ჯერ ბრიგადირის, შემდეგ ოსტატისა და მეღვინის თანამდებობაზე.

   ძირითადი წლები გაატარა ვარკეთილის ღვინის ქარხანაში. იგი ერკვეოდა არა მარტო მეღვინეობაში, არამედ კარგად იცოდა შამპანურის, კონიაკის, არყის დაყენება და დაუზარელად ეხმარებოდა სხვადასხვა ქარხანაში თავის კოლეგებს. ოჯახში თავისი ხელით ჰქონდა აწყობილი  წყლის წისქვილი, საკალმახე მეურნეობა, მეფუტრეობა და საკუთარი დენის წყარო. 

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 327 გვ.