პეტრე ქვლივიძე

   პეტრე ქვლივიძე დაიბადა 1912 წელს საგარეჯოში. 1931 წელს დაამთავრა თბილისის უნდუსტრიული ტექნიკუმი და ჩააბარა საქართველოს ინდუსტრიულ ინსტიტუტში (დღევანდელი პოლიტექნიკური უნივერსიტეტი). ინსტიტუტის დამთავრების შემდეგ იგზავნება სამუშაოდ სომხეთში. საქართველოში დაბრუნების შემდეგ მუშაობს მშენებლად სხვადასხვა ობიექტზე. 

   სამამულო ომის დამთავრების შემდეგ დაიწყო მუშაობა ხირსის საბჭოთა მეურნეობაში მთავარ ინჟინრად, სადაც ჩართული იყო ღვინის ქარხნის მშენებლობაში. წარმატებული ინჟინერი გადაჰყავთ "სამტრესტი"–ს ცენტრალურ აპარატში კაპიტალური მშენებლობის უფროსად, შემდეგ მმართველის მოადგილედ მშენებლობის დარგში და მთავარ ინჟინრად.

   მართალია ბატონი პეტრე მეღვინე არ იყო, მაგრამ ძირძველი "სამტრესტელი" იყო – მან ბევრი ქარხანა და საკუპაჟე ბაზა ააშენა. დაჯილდოებული იყო საქართველოს დამსახურებული ინჟინრის საპატიო წოდებით.

   პეტრე ქვლივიძე გარდაიცვალა 1982 წელს.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 328 გვ.

• საქართველოს დამსახურებული ინჟინრის საპატიო წოდება
  ღვინის ქარხნების მშენებლობა