რეზო ოსაძე

     რეზო ოსაძე დაიბადა 1925 წელს. 1955  წელს დაამთავრა სასოფლო-სამეურნეო ინსტიტუტის მებაღეობა-მევენახეობის ფაკულტეტი, ხოლო 1966 წელს იმავე ინსტიტუტის ტექნოლოგიური ფაკულტეტი და მიენიჭა მეღვინის კვალიფიკაცია. 

   1966 წლიდან მუშაობს "სამტრესტი"–ს სისტემის ღვინის ქარხნებში - ლენინგორი, აგარა, მუხრანი, თბილისის საწარმოო კომბინატი N2, თბილისის ლიქიორის ქარხანა და თბილისის საწარმოო კომბინატი – მეღვინედ, მეღვინე-ტექნოლოგად, ინჟინრად და მთავარ ტექნოლოგად. შემდგომ წლებში იგი საქართველოს კვების მრეწველობის სამინისტროს შრომის მეცნიერული ორგანიზაციის ცენტრში განყოფილების გამგეა.

   ის იყო არა მარტო ცნობილი მეღვინე, არამედ ერთ-ერთი გამორჩეული ქართველი ფეხბურთელი, რომელიც წლების განმავლობაში საქართველოს სხვადასხვა გუნდებში თამაშობდა, ხოლო მოგვიანებით – საბჭოთა კავშირის უმაღლესი ლიგის გუნდის - თბილისის "სპარტაკის" ძირითადი მოთამაშე იყო.

   რეზო ოსაძე გარდაიცვალა 1977 წელს.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 337 გვ.