ვასიკო სიხარულიძე

   ვასილ სიხარულიძე 1968 წელს ჩაირიცხა საქ. პოლიტექნიკური ინსტიტუტის მექანიკა-მანქანათმშენებლობის ფაკულტეტზე და დაამთავრა 1973 წელს კვების მანქანა-აპარატების ინჟინერ-მექანიკოსის კვალიფიკაციით.

   1973-1984 წლებში იმუშავა საკავშირო ხორცისა და რძის მრეწველობის სამინისტროს ინსტიტუტ "ГИПРОМЯСО"-ს უფროს ინჟინრად; "ВНИИТМЕ"-ს საპატენტო განყოფილებაში უფროსი მეცნიერ-თანამშრომელად; საქართველოს სოფლის მეურნეობის ელექტროფიკაციისა და მექანიზაციის სამეცნიერო-კვლევითი ინსტიტუტის უფროსი მეცნიერ-თანამშრომელად; საქართველოს კვების მრეწველობის სამინისტროს მთავარი მექანიკოსად.

   1984-2005 წლებში "სამტრესტი"–ს ცენტრალური აპარატის ტექნიკური სამმართველოს უფროსია, შემდეგ -ლიცენზირობის სამმართველოს უფროსის მოადგილე და სერთიფიცირების სამმართველოს უფროსის მოადგილე, მთავარი სპეციალისტი. 2006-2010 წლებში შპს "აგროინდუსტრია +" - ის დირექტორია.  2011 წლიდან - შპს "გეო-ალკოს" დირექტორია. 2007 წლიდან - ღვინის სააგენტოს სადეგუსტაციო კომისიის წევრია.

   1986 წელს სწავლობდა საქ. სსრ მეცნიერებისა და ტექნიკის კომიტეტთან არსებულ სახალხო მეურნეობის მართვის ინსტიტუტში. 2009 წლიდან არის გერმანიის ტექნიკური თანამშრომლობის საზოგადოება GTZ-ის დეგუსტაციის კვალიფიკაციის სერთიფიკატის მფლობელი.

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 352 გვ.

• ღვინის სააგენტოს სადეგუსტაციო კომისია, წევრი