ალბერტ სიაშვილი

   ალბერტ სიაშვილმა 1967 წელს დაამთავრა სასოფლო-სამეურნეო ინსტიტუტის ტექნოლოგიური ფაკულტეტი და მიენიჭა მეღვინის კვალიფიკაცია. ინსტიტუტის დამთავრებისთანავე მუშაობას იწყებს ხილ - კენკროვანი ღვინის ქარხანაში.

   1970-1973 წლებში სწავლას განაგრძობს იალტის "მაგარაჩის" ინსტიტუტის ასპირანტურაში და 1974 წელს იცავს საკანდიდატო დისერტაციას.

   1974-975 წლებში  საქართველოს კვების მრეწველობის სამეცნიერო-კვლევითი ინსტიტუტის მეცნიერ–თანამშრომელია.

1975 წელს ინიშნება სიონის ხილკენკროვანი ქარხნის დირექტორად, თუმცა 1977 წელს ბრუნდება საქართველოს კვების მრეწველობის სამეცნიერო-კვლევითი ინსტიტუტში და მუშაობს 1983 წლამდე. 1983 წლიდან 1986 წლამდე – ახმეტის ღვინის ქარხნის მთავარი მეღვინე და შემდგომ დირექტორია. 1986-1992 წლებში კვლავ  საქართველოს კვების მრეწველობის სამეცნიერო-კვლევითი ინსტიტუტში. 1992-1995 წლებში "სამტრესტი"–ს ტექნოლოგიური ინსტიტუტის წამყვანი მეცნიერ-მუშაკია.

   1996 წლიდან აფუძნებს კერძო სატრანსპორტო კომპანიას.

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 354 გვ.