იუზა ვასაძე

    იუზა ვასაძე დაიბადა 1935 წელს. 1959 წელს დაამთავრა სასოფლო-სამეურნეო ინსტიტუტის მევენახეობა-მეხილეობა-მებოსტნეობის ფაკულტეტი, ხოლო 1961 წელს – სოხუმის სუბტროპიკულ მეურნეობათა ინსტიტუტის ტექნოლოგიური ფაკულტეტი.

   მან მუშაობა 1961 წელს დაიწყო და 2011 წლამდე იმუშავა "სამტრეესტი"–ს სისტემის ქარხნებში ინჟინერ-ტექნოლოგად, მთავარ მეღვინედ, დირექტორის მოვალეობის შემსრულებლად; მებაღეობის, მევენახეობისა და მეღვინეობის  სამეცნიერო-კვლევითი ინსტიტუტის მეცნიერ-მუშაკად, განყოფილების გამგედ და სოფელ გალავნის ექსპერიმენტული მეურნეობის დირექტორად; მცხეთის მევენახეობისა და საგურამოს ექსპერიმენტული მეურნეობის დირექტორიად; რესპუბლიკური გაერთიანება "სამტრესტი"–ს მმართველად; მებაღეობის, მევენახეობისა და მეღვინეობის  სამეცნიერო-კვლევითი ინსტიტუტის მეცნიერ-მუშაკად.

   2011 წლიდან, ი. ვასაძე, საქართველოს  "მევენახეთა, მეღვინეთა და მებაღეთა სამეცნიერო-კვლევითი საწარმოო კავშირის" (არასამთავრობო ორგანიზაცია), პრეზიდენტია.

   ბატონმა იუზამ, 1986 წელს, დაიცვა სადოქტორო დისერტაცია და მიენიჭა სოფლის მეურნეობის მეცნიერებათა დოქტორის სამეცნიერო ხარისხი.

   იგი არჩეულია სოფლის მეურნეობის აკადემიის ნამდვილ წევრად, არის საქ. აგრარული უნივერსიტეტის პროფესორი. მიღებული აქვს მთავრობის ჯილდოები.

    წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 356 გვ.

• სოფლის მეურნეობის აკადემია, ნამდვილი წევრი