რამაზ ჟღენტი

   რამაზ ჟღენტი, ინსტიტუტის დამთავრების შემდეგ, მუშაობს მეცნიერ–მუშაკად საქართველოს პოლიტექნიკურ ინსტიტუტში, შემდეგ საქართველოს მეცნიერებათა აკადემიის სისტემის ობიექტებში.

   1978 წლიდან "სამტრესტი"–ს აპარატში მთავარი სპეციალისტია, შემდეგ 23 წელი ხელმძღვანელობს სტანდარტიზაციისა და მეტროლოგიის სამსახურს. 1991 წლიდან "სამტრესტი"–ს მოსკოვის ღვინის ქარხანაში მთავარი ინჟინრის მოადგილეა. 1998 წლიდან შ.პ.ს. "ბარაკონი"–ს გენერალური მენეჯერია და საფირმო მაღაზია "ხვანჭკარა"–ს დირექტორი. 2002–2003 წლებში მუშაობდა საქართველოს სტანდარტიზაციის, მეტროლოგიისა და სერთიფიკაციის სახელმწიფო დეპარტამენტის "საქსტანდარტში" ინსპექტორად. 2003–2005 წლებში "სამტრესტი"–ს მთავარი სპეციალისტია, ხოლო 2005 წლიდან – შ.პ.ს. "ოქროს ხვანჭკარა"–ს ღვინის საფირმო მაღაზიის მენეჯერი.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 363 გვ.