პაატა გიორგობიანი

    პაატა გიორგობიანი დაიბადა 1966 წელს. სკოლის დამთავრების შემდეგ, სწავლა განაგრძო ქუთაისის პოლიტექნიკური ინსტიტუტის ტექნოლოგიურ ფაკულტეტზე მეღვინის კვალიფიკაციით.

   ინსტიტუტის დამთავრების შემდეგ, მუშაობს პურის მრეწველობის ქარხნებში. იგი სწავლას აგრძელებს ოდესის კვების მრეწველობის ტექნოლოგიური ინსტიტუტის ღვინის ტექნოლოგიის ფაკულტეტზე. ოდესიდან დაბრუნების შემდეგ, პ. გიორგობიანი, "სამტრესტი"–ს საგარეჯოს სამარკო ღვინოების ქარხანაში იწყებს მუშაობას. 1995–1996 წლებში "სამტრესტი"–ს ნაფარეულის ღვინის ქარხანაში ინიშნება მეღვინედ, მოგვიანებით – წარმოების უფროსად. 1997 წლიდან წინანდლის ღვინის ქარხნის მეღვინეა, შემდგომში – უფროსი მეღვინე. 1999 წლიდან შ.პ.ს. "წინანდალი–საქართველოს ღვინის საგანძური"–ს გენერალური დირექტორია.

   ბატონი პაატა მოღვაწეობას კერძო ბიზნესში განაგრძობს.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 362 გვ.