დავით აბზიანიძე

   დავით აბზიანიძემ, 1975 წელს, დაამთავრა საქართველოს სასოფლო–სამეურნეო ინსტიტუტის ტექნოლოგიური ფაკულტეტი, მეღვინის სპეციალობით. იმავე წლიდან იწყებს მუშაობას საქართველოს კვების მრეწველობის სამეცნიერო–კვლევით ინსტიტუტში მეცნიერ–მუშაკად.

   1979–1983 წლებში სწავლობდა უკრაინაში, ქალაქ იალტის საკავშირო სამეცნიერო–კვლევითი ინსტიტუტის "მაგარაჩი"–ს ასპირანტურაში და იქვე, 1983 წელს, იცავს საკანდიდატო დისერტაციას.

   1983 წელს ბრუნდება საქართველოში და მუშაობას იწყებს "სამტრესტი"–ს თბილისის კონიაკის ქარხანაში ჯერ ინჟინრად, ხოლო 1985 წლიდან – მთავარი ინჟინრის მოადგილედ. წლების განმავლობაში იმუშავა კონიაკის ქარხნის ჩამოსხმის საამქროს უფროსის მოადგილედ, საკუპაჟე საამქროს უფროსის მოადგილედ და შემდეგ ამავე საამქროს უფროსად. 1992 წელს დაინიშნა ქარხნის მთავარ ტექნოლოგად.

   ბატონი დავითი არის მრავალი სახელოვანი ქართული სამარკო კონიაკის ავტორი. დაჯილდოებულია ლევ გოლიცინისა და გერმანე ვალუიკოს სახელობის მედლებით. არის მეღვინეობა–მევენახეობის საერთაშორისო აკადემიის ნამდვილი წევრი.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 365 გვ.

• გერმანე ვალუიკოს სახელობის მედალი
• ლევ გოლიცინის სახელობის მედალი