საბა ჭელიძე

   საბა ჭელიძემ 1961 წელს დაამთავრა საქართველოს სასოფლო–სამეურნეო ინსტიტუტის ტექნოლოგიური ფაკულტეტი. 

   ინსტიტუტის დამთავრების შემდეგ დაინიშნა "სამტრესტი"–ს ნაფარეულის ღვინის ქარხანაში მეღვინე–ბრიგადირად, შემდეგ – ქიმიკოსად. 1963–1991 წლებში მუშაობდა მუკუზანის N1 (ზეგაანი) ღვინის ქარხანაში მეღვინე–ტექნოლოგად; მუკუზანის საწარმოო გაერთიანების ცენტრალური ლაბორატორიის გამგედ, ზეგაანის ღვინის ქარხანაში უფროს მეღვინე–ტექნოლოგად; ველისციხის ღვინის ქარხნის ინჟინერ–ტექნოლოგად; შრომის (ვაჩნაძიანის) ღვინის ქარხნის უფროს მეღვინე–ტექნოლოგად.

   1991 წელს დაინიშნა თბილისში "სამტრესტი"–ს ახალი, მშენებარე ძმრის ქარხნის დირექტორად, 1995 წლიდან – "სამტრესტი"–ს აპარატში მთავარ სპეციალისტად და "სამტრესტი"–ს დაქვემდებარებაში არსებულ შ.პ.ს. "ვინუსი"–ს პრეზიდენტად.

   2002 წლიდან გადის პენსიაზე.

   დაჯილდოებულია მთავრობის სხვადასხვა ხარისხის ჯილდოებით.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 367 გვ.