
	English Georgian

The directory represents a bibliographic database of those involved in developing of The matter of Georgian wine, champagne like, other alcoholic drinks, and in general, Viticulture and winegrowing in Georgia.

The national Library applies to the experts of viticulture and winegrowing, Researches and people concerned to provide the Library with the photos and the Biographical data of the famous Georgian winegrowers known to them for allocating Materials in the given database.

• Suggest a Biography

Correction

ხოსრო ხოსროშვილი

Date of birth:	26 May, 1913
Date of death:	1989 (at 75 years)
Category:	Manufacturer

Biography

ხოსრო ხოსროშვილი დაიბადა 1913 წლის 26 მაისს ყვარლის რაიონის სოფელ ენისელში. 1932 წლიდან 1937 წლამდე სწავლობდა საქართველოს სასოფლო–სამეურნეო ინსტიტუტში მეღვინის სპეციალობაზე. 1941 წელს, ასპირანტურაში სწავლის დასრულების შემდეგ, გადაიყვანეს თელავში, კვლევით ინსტიტუტში, სადაც ეწეოდა სამეცნიერო–კვლევით მუშაობას. იმ პერიოდში კადრების სიმცირის გამო, 1943 წელს, გადაიყვანეს ნაფარეულის ღვინის ქარხანაში მთავარ მეღვინედ.

1949 წელს სომხეთის რესპუბლიკის ცენტრალურმა კომიტეტმა თხოვნით მიმართა საქართველოს მთავრობას, სომხეთში მევენახეობა–მეღვინეობის განვითარებისათვის, სომხეთის რესპუბლიკის "არარატ–ტრესტი"–ს მთავარი მეღვინის თანამდებობაზე მაღალკვალიფიციური სპეციალისტის მივლინების შესახებ. სომხეთში მივლინებულ იქნა ბატონი ხოსრო, სადაც იმუშავა 1949–1955 წწ. იმ პერიოდში სომხეთის მეღვინეობაში მოხდა მთელი რიგი მნიშვნელოვანი ძვრები: შეიქმნა სუფრის მშრალი ღვინოების მრავალი მარკა; პირველად, სომხეთის მეღვინეობის ისტორიაში, შეიქმნა ნახევრად ტკბილი ღვინო "მეღრი"; საფუძველი ჩაეყარა ღვინის ქარხნის მშენებლობას, სადაც მზადდებოდა ხერესის ღვინოები; სერიოზული წინსვლები აღინიშნებოდა კონიაკის წარმოებაში.

1955 წელს, საქართველოს მთავრობის მოთხოვნით, ბატონი ხოსრო გადმოიყვანეს საქართველოში და დანიშნეს "სამტრესტი"–ს უფროსი მეღვინის თანამდებობაზე. შემდეგ წლებში მას ხელმძღვანელი თანამდებობები ეკავა სისტემის სხვადასხვა ქარხანაში, კერძოდ: გურჯაანის ღვინის ქარხანაში, სიღნაღის ქარხანა–სამმართველოში, თელიანის ღვინის ქარხანაში. ბოლოს წინანდლის ღვინის ქარხნის დირექტორი იყო.

1964 წელს უბრუნდება სამეცნიერო სამუშაოებს, იყო მებაღეობა–მევენახეობა–მეღვინეობის კვლევითი–სამეცნიერო ინსტიტუტის ექსპერიმენტული ღვინის ქარხანა–ლაბორატორიის გამგე. 1967 წელს დაიცვა საკანდიდატო დისერტაცია თემაზე: "ქართლის მეღვინეობა და მისი განვითარების პერსპექტივები". დისერტაციაზე მუშაობის დროს შექმნილმა ღვინოებმა, რომლებიც წარადგინეს საერთაშორისო დეგუსტაციაზე (თბილისში), დაიმსახურეს 11 ვერცხლის და ოქროს მედალი. მისი უშუალო მონაწილეობით დამუშავდა მრავალი სამეცნიერო შრომა. ბატონი ხოსრო აღნიშნულ ინსტიტუტში მუშაობდა სიცოცხლის ბოლომდე.

1989 წელს ხოსრო ხოსროშვილი გარდაიცვალა.

წყარო: ქართული ღვინისა და ალკოჰოლური სასმელების მატიანე / ბონდო კალანდაძე; თბილისი: პეტიტი, 2008. - 286 გვ.

Awards and Honors

11 ვერცხლის და ოქროს მედალი