ირაკლი ნანეიშვილი

   ირაკლი ნანეიშვილი დაიბადა თბილისში 1969 წელს. 1991 წელს ჩაირიცხა საქართველოს აგრარული უნივერსიტეტის ტექნოლოგიურ ფაკულტეტზე, რომელიც 1996 წელს დაამთავრა მეღვინე ინჟინერ–ტექნოლოგის კვალიფიკაციით. იმავე წლიდან მუშაობას იწყებს ქალაქ გორში ღვინის საწარმო–ფირმა შ.პ.ს. "ფალავანში" უფროსი ტექნოლოგის თანამდებობაზე. მისი უშუალო მონაწილეობით, წარმოებაში დამონტაჟდა ახალი – იტალიური წარმოების ჩამოსხმის ხაზები, დაინერგა ღვინის დამუშავებისა და ჩამოსხმის თანამედროვე ტექნოლოგიები, რის გამოც, შესაძლებელი გახდა გამოშვებული პროდუქციის რაოდენობის 90%–ის საექსპორტო დანიშნულებით გამოყენება.

   2005–2008 წლებში სწავლას განაგრძობს საქართველოს მევენახეობა–მეღვინეობის კვლევით ინსტიტუტში. თავის კოლეგასთან ერთად მონაწილეობას იღებს საზღვარგარეთ სხვადასხვა გამოფენებზე, საიდანაც ჩამოაქვთ ახალი დანადგარები და დამხმარე მასალები, რომელიც შემდეგ გამოიყენებულ იქნა წარმოებაში.

   წყარო: ქართული ღვინისა და ალკოჰოლური სასმელების მატიანე / ბონდო კალანდაძე; თბილისი: პეტიტი, 2008. - 304 გვ.