ანზორ ქიბროწაშვილი

   ანზორ ქიბროწაშვილი დაიბადა 1939 წლის 25 ოქტომბერს ახმეტაში. მან იტალიურ კომპანიასთან ერთად, დააარსა ღვინის საწარმო და ქართული სუფრის და ცქრიალა ღვინოები საერთაშორისო ასპარეზზე გაიტანა. ასევე, გააჩნია საკუთარი ვენახები, პირველადი ღვინის ქარხანა ახმეტაში და ჩამოსასხმელი ქარხანა გორში.

    ბატონი ანზორი, ასევე, წარმატებული ქართველი ფალავანია – ძიუდოისტი და საერთაშორისო კლასის არბიტრი, მსოფლიო ჩემპიონატის მეორე პრიზიორი (1965), ევროპის ჩემპიონი პირად (1965) და ოთხგზის ჩემპიონი გუნდურ (1962, 63, 66, 67) პირველობაში, სამგზის მეორე (1963, 67, 69) და მესამე (1966) პრიზიორი პირად ჩათვლაში, სსრკ ორგზის ჩემპიონი სამბოში (1966, 69). სსრკ სპორტის დამსახურებული ოსტატი, სსრკ და საქართველოს დამსახურებული მწვრთნელი, საერთაშორისო კატეგორიის მსაჯი, ღირსების ორდენის კავალერი.

   წყარო: ქართული ღვინისა და ალკოჰოლური სასმელების მატიანე. / ბონდო კალანდაძე; თბილისი: პეტიტი, 2008. - 374 გვ.

   წყარო: http://www.sok.ge/ge/ქიბროწაშვილი-ანზორ/

• ღირსების ორდენი