The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
საქართველოს მეღვინეები
დასაწყისი  
ძიება
პიროვნების სახელი:

საძიებელი წარმოადგენს ბიოგრაფიულ მონაცემთა ბაზას იმ პიროვნებებისა, რომლებიც დაკავშირებულნი არიან ქართული ღვინის, შამპანურის ტიპის და სხვა ალკოჰოლური სასმელების, ზოგადად, მევენახეობისა და მეღვინეობის საქმის განვითარებასთან საქართველოში.

ეროვნული ბიბლიოთეკა მიმართავს მევენახეობის და მეღვინეობის სპეციალისტებს, მკვლევარებს და დაინტერესებულ პირებს, მოგვაწოდონ მათთვის ცნობილი ქართველი მეღვინეების ბიოგრაფიული მონაცემები და ფოტო მასალა ამ ბაზაში განსათავსებლად.

საკონტ. ტელ: 595 45 55 44



ავთო ქიტიაშვილი

ავთო ქიტიაშვილი
დაბადების თარიღი:29 მაისი, 1941  (78 წლის)
კატეგორია:მეწარმე

ბიოგრაფია

ავთანდილ ქიტიაშვილმა 1964 წელს დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი „კვების მრეწველობის პროცესები და აპარატების ინჟინერ-მექანიკოსის“ სპეციალობით. 1977-1981 წლებში სწავლობდა ოდესის ლომონოსოვის სახელობის კვების მრეწველობის ტექნოლოგიური ინსტიტუტის ასპირანტურაში „კვების მრეწველობის საწარმოთა პროცესები და აპარატების“ სპეციალობაზე.

1965 წელს მუშაობა დაიწყო „სამტრესტის“ გურჯაანის სარემონტო მექანიკურ ქარხანაში ოსტატად, ხოლო 1967 წელს - „სამტრესტის“ გურჯაანის სპირტის ქარხანაში მთავარ ინჟინერ-მექანიკოსად. 1971-1972 წლებში იყო „სამტრესტის“ გურჯაანის მექანიკური ქარხნის დირექტორის მოადგილე, ხოლო 1972-1975 წლებში - ამავე ქარხნის დირექტორი.

1976 წელს, ავთანდილ ქიტიაშვილი დაინიშნა „სამტრესტის“ საწარმოო გაერთიანების მთავარ-ინჟინრად, რის შემდეგაც, 1977-1979 წლებში ხდება ჯერ მოვალეობის შემსრულებელი, ხოლო შემდეგ „სამტრესტის“ საწარმოო გაერთიანების გენერალური დირექტორი. 

1983-1985 წლებში ავთანდილ ქიტიაშვილი იყო „საქღვინმრეწვის“ კარდენახის ღვინის ქარხნის დირექტორი.

პრაქტიკულ საქმიანობასთან ერთად, ბატონი ავთო ეწეოდა სამეცნიერო მოღვაწეობასაც. ოდესის ლომონოსოვის სახელობის კვების მრეწველობის ტექნოლოგიური ინსტიტუტის ასპირანტურის დამთავრების შემდეგ, მან დაიცვა საკანდიდატო დისერტაცია მეღვინეობის დარგში, რის შემდეგაც 1981-1982 წლებში ავთანდილ ქიტიაშვილი იყო ქ. ოდესის კვების მრეწველობის ტექნოლოგიური ინსტიტუტის უფროსი მეცნიერ-თანამშრომელი, ასევე, მუშაობდა უფროს მეცნიერ-თანამშრომლად საქართველოს მეცნიერებათა აკადემიის მცენარეთა ბიოქიმიის ინსტიტუტში. 1988-1990 წლებში იგი იყო „საქეთერზეთმრეწვპროექტის“ დირექტორი.

ავთანდილ ქიტიაშვილი არის ტექნიკურ მეცნიერებათა დოქტორი. გამოქვეყნებული აქვს 10 სამეცნიერო ნაშრომი, მიღებული აქვს საავტორო მოწმობები.

1991-2007 წლებში იყო საგარეჯოს ბიზნესისა და კვების მრეწველობის ტექნოლოგიური ინსტიტუტის რექტორი.