მირიან ცალქალამანიძე

   მირიან ცალქალამანიძე დაიბადა 1927 წლის 9 მარტს კონდოლიში, თელავში.

   იგი იყო თავისუფალი სტილის მოჭიდავე (52 კგ). XVI ოლიმპიური თამაშების ჩემპიონი (1956, მელბურნი), მსოფლიოს ჩემპიონატის მეორე (1957) და მესამე (1954) პრიზიორი, მსოფლიოს თასის მეორე პრიზიორი (1956), სსრკ ხალხთა I სპარტაკიადის ჩემპიონი (1956), სსრკ ჩემპიონი (1954,). სსრკ სპორტის დამსახურებული ოსტატი. მიღებული აქვს ოქროს მედალი (1956, მელბურნი), იყო ვახტანგ გორგასლის II ხარისხისა და ღირსების ორდენების კავალერი. 

   სპორტისათვის თავის დანებების შემდეგ წლების განმავლობაში მუშაობდა კახეთში, თელავის რაიონში მეღვინედ.
   მირიან ცალქალამანიძე გარდაიცვალა 2000 წლის 3 აგვისტოს.

   წყარო: ქართული ღვინისა და ალკოჰოლური სასმელების მატიანე. / ბონდო კალანდაძე; თბილისი: პეტიტი, 2008. - 373 გვ.

   წყარო: http://geonoc.org.ge/index.php?lang_id=GEO&sec_id=28&sportmen_id=65

• ღირსების ორდენი
• ვახტანგ გორგასლის II ხარისხის ორდენი
• ოქროს მედალი
  XVI ოლიმპიური თამაშების ჩემპიონი