The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
საქართველოს მეღვინეები
დასაწყისი  
ძიება
პიროვნების სახელი:

საძიებელი წარმოადგენს ბიოგრაფიულ მონაცემთა ბაზას იმ პიროვნებებისა, რომლებიც დაკავშირებულნი არიან ქართული ღვინის, შამპანურის ტიპის და სხვა ალკოჰოლური სასმელების, ზოგადად, მევენახეობისა და მეღვინეობის საქმის განვითარებასთან საქართველოში.

ეროვნული ბიბლიოთეკა მიმართავს მევენახეობის და მეღვინეობის სპეციალისტებს, მკვლევარებს და დაინტერესებულ პირებს, მოგვაწოდონ მათთვის ცნობილი ქართველი მეღვინეების ბიოგრაფიული მონაცემები და ფოტო მასალა ამ ბაზაში განსათავსებლად.

საკონტ. ტელ: 595 45 55 44



ავთო გორგოძე

ავთო გორგოძე
დაბადების თარიღი:25 თებერვალი, 1928
გარდაცვ. თარიღი:1 აპრილი, 1994  (66 წლის ასაკში)
კატეგორია:მეწარმე

ბიოგრაფია

    ავთო გორგოძე დაიბადა სოფელი ფერსათში (ახლანდელი ბაღდათის რაიონი).

    1949 წელს დაამთავრა თბილისის შრომის წითელი დროშის ორდენოსანი საქართველოს სასოფლო სამეურნეო ინსტიტუტის ტექნოლოგიის ფაკულტეტი მეღვინეობის განხრით, ინჟინერ ტექნოლოგის სპეციალობით.

    იგი მუშაობდა საქართველოს კვების მრეწველობის სამინისტროს "სამტრესტის" სისტემაში: 1949-1950 წწ. იყო საგარეჯოს რაიონის სოფელ მანავის საბჭოთა მეურნეობის პუნქტების მეღვინე; 1950-1952 წწ. ბორჯომის ღვინის ქარხნის მთავარი მეღვინე; 1952-1953 წწ. თბილისის N2 ღვინის ქარხნის ჩამოსხმის საამქროს უფროსი; 1953-1954 წწ. ქ. სტალინოს (უკრაინის სსრ) ღვინის ქარხნის მთავარი მეღვინე; 1954-1955 წწ. მარნეულის რაიონის სოფელ ყულარის საბჭოთა მეურნეობის მეღვინე; 1955-1957 წწ. მაიაკოვსკის (ბაღდათის) რაიონის სოფელ დიმის სპირტსახდელი ქარხნის გამგე; 1957-1958 წწ. ქ. თბილისის N1 ღვინის ქარხნის მეღვინე ბრიგადირი; 1958-1962 წწ. ქ. თბილისის საწარმოო კომბინატის მეღვინეობის მეორადი პროდუქტების საამქროს უფროსი; 1962-1973 წწ. თბილისის საწარმოო კომბინატის არყის ჩამოსხმის საამქროს უფროსი; 1973-1982 წწ. საქართველოს სსრ ვაჭრობის სამინისტროს საქონლის ხარისხის და ვაჭრობის სახელმწიფო ინსპექციის მთავარი სამმართველოს ღვინო-არყის განყოფილების სახელმწიფო ინსპექტორი; 1982-1984 წწ. მაიაკოვსკის (ბაღდათის) რაიონის სოფელ წითელხევის ღვინის ქარხნის უფროსი ოსტატი; 1984-1986 წწ. მაიაკოვსკის რაიონის ღვინის კომბინატის დირექტორი. 

    1994 წელს ბატონი ავთო გარდაიცვალა.