იაკიმე კავილაძე

   იაკიმე კავილაძე დაიბადა 1909 წელს ხარაგაულის რაიონის სოფელ ლახუნდარაში. 1926 წელს დაამთავრს კიცხის სოფლის მეურნეობის ახალგაზრდობის სკოლა, 1933 წელს – თბილისის სასოფლო–სამეურნეო მუშათა ფაკულტეტი, ხოლო 1938 წელს – თბილისის სასოფლო–სამეურნეო ინსტიტუტის მებაღე–მევენახეობის ფაკულტეტი.

   მეღვინეობაში  მუშაობა დაიწყო 1957 წლიდან – იყო "სამტრესტი"–ს მმართველი. 1975 წლამდე მუშაობდა მევენახეობა–მეხილეობის ახლად ორგანიზებულ საბჭოთა მეურნეობის დირექტორად, რომელიც კავილაძის დაუღალავი შრომისა და ხელმძღვანელობის შედეგად ჩამოყალიბდა მსხვილ აგრარულ–სამრეწველო მიმართულების სახელმწიფო მეურნეობად.

   1938 წლიდან ბატონი იაკიმე არჩეული იყო საქართველოს კპ თითქმის ყველა ყრილობის დელეგატად.

   1961 წლიდან მინიჭებული აქვს საქართველოს დამსახურებული აგრონომის საპატიო წოდება. მიღებული აქვს ორდენები: ლენინის ორი, ოქტომბრის რევოლუციის, შრომის წითელი დროშის ორი, სამამულო ომის II ხარისხის და 9 მედალი.

   წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 29 გვ.

• 9 მედალი
• სამამულო ომის II ხარისხის ორდენი
• შრომის წითელი დროშის ორი ორდენი
• ოქტომბრის რევოლუციის ორდენი
• ლენინის ორი ორდენი