მაქსიმე რამიშვილი

   მაქსიმე რამიშვილი დაიბადა სოფელ სურებში. 1926 წელს დაამთავრა თბილისის სახელმწიფო უნივერსიტეტის აგრონომიის ფაკულტეტი. 1953-1963 წლებში იყო საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის დირექტორის მოადგილე სამეცნიერო ნაწილში, ხოლო 1964 წლიდან - საქართველოს სასოფლო-სამეურნეო ინსტიტუტის მევენახეობის კათედრის პროფესორი და ამპელოგრაფიული ლაბორატორიის ხელმძღვანელი.
   მაქსიმე რამიშვილმა აღწერა სამეგრელოს, გურიისა და აჭარის გადაშენებული ვაზის ჯიშები. ველური ვაზის ფორმებიდან გამოავლინა პერსპექტიული ჯიშები, ასევე გამოიყვანა 23 სუფრის ჯიშის ვაზი, დაამუშავა ნამყენი ვაზის წარმოების თეორიული და პრაქტიკული საკითხები. მისი ხელმძღვანელობით შეიქმნა საქართველოს სასოფლო-სამეურნეო ინსტიტუტის ამპელოგრაფიული ლაბორატორია, რომელსაც ვაზის უმდიდრესი კოლექცია აქვს, დაახლოებით 2000 ჯიშის ვაზი. მან გამოაქვეყნა 150–ზე მეტი მეცნიერული შრომა ამპელოგრაფიის აგროტექნიკაში, მისი მონოგრაფიები და სტატიები იბეჭდებოდა როგორც ქართულ, ისე საკავშირო გამოცემებში.

   წყარო: ქართული ღვინისა და ალკოჰოლური სასმელების მატიანე / ბონდო კალანდაძე; თბილისი: პეტიტი, 2008. - 223 გვ.

   წყარო: http://planeta.ge/topic/4307-მაქსიმე-რამიშვილი-1903-1987/