ანზორ ლეჟავა

   ანზორ ლეჟავა დაიბადა 1936 წლის 3 სექტემბერს აბაშის რაიონის სოფ. ქოლობანში.

   იგი წლების განმავლობაში მუშაობდა თბილისის შამპანური ღვინის ქარხანაში მეღვინის თანამდებობაზე.

   გარდა მეღვინისა, ბატონი ანზორი გახლდათ კალათბურთელი (210 სმ). თამაშობდა თბილისის ”ნაუკაში” და ”ბურევესტნიკ-ში” (1954-58), თბილისის ”დინამოში” (1959-72). მიწვეული იყო სსრკ ნაკრებში (1963). მსოფლიოს ჩემპიონატის მესამე პრიზიორი (1963),  ევროპის ქვეყნების ჩემპიონთა თასის მფლობელი (1962), სსრკ ჩემპიონი (1968), სსრკ ჩემპიონატების ოთხგზის მეორე (1959, 60, 61, 69) და მესამე (1965) პრიზიორი, სსრკ თასის მფლობელი (1969), ღირსების ორდენის კავალერი. მისი სახელი მინიჭებული აქვს ქოლობნის საშუალო სკოლას (1999).

   ანზორ ლეჟავა გარდაიცვალა 1997 წლის 20 მარტს.

   წყარო: ქართული ღვინისა და ალკოჰოლური სასმელების მატიანე. / ბონდო კალანდაძე; თბილისი: პეტიტი, 2008. - 377 გვ.

   წყარო: http://www.sok.ge/ge/ლეჟავა-ანზორ/