The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
საქართველოს მეღვინეები
დასაწყისი  
ძიება
პიროვნების სახელი:

საძიებელი წარმოადგენს ბიოგრაფიულ მონაცემთა ბაზას იმ პიროვნებებისა, რომლებიც დაკავშირებულნი არიან ქართული ღვინის, შამპანურის ტიპის და სხვა ალკოჰოლური სასმელების, ზოგადად, მევენახეობისა და მეღვინეობის საქმის განვითარებასთან საქართველოში.

ეროვნული ბიბლიოთეკა მიმართავს მევენახეობის და მეღვინეობის სპეციალისტებს, მკვლევარებს და დაინტერესებულ პირებს, მოგვაწოდონ მათთვის ცნობილი ქართველი მეღვინეების ბიოგრაფიული მონაცემები და ფოტო მასალა ამ ბაზაში განსათავსებლად.

საკონტ. ტელ: 595 45 55 44



მიხეილ რამაზაშვილი

მიხეილ რამაზაშვილი
დაბადების თარიღი:1 იანვარი, 1951  (66 წლის)
კატეგორია:მეწარმე

ბიოგრაფია

   მიხეილ რამაზაშვილი დაიბადა 1951 წლის 1 იანვარს. 1972 წელს დაამთავრა საქართველოს სასოფლო - სამეურნეო ინსტიტუტის მებაღე-მევენახეობისა და ტექნოლოგიის ფაკულტეტი და 1975 წელს – საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის ასპირანტურა ვაზის სელექცია-ჯიშთამცოდნეობის სპეციალობით. 1992 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ბიზნეს ეკონომიური ფაკულტეტი ერთობლივი საწარმოების შექმნისა და ორგანიზაციის სპეციალობით. 

   1972-1993 წლებში იყო უფროსი ლაბორანტი საქართველოს მებაღეობის, მევენახეობისა და მეღვინეობის სამეცნიერო-კვლევით ინსტიტუტში; თელავის რაიონის სოფლის მეურნეობის სამმართველოს უფროსი აგრონომი; თელავის რაიონის სოფელ ფშავლის კოლმეურნეობის თავმჯდომარე; თელავის რაიონის მთავარი მიწათმომწყობი, მიწის რესურსებისა და კადასტრის განყოფილების გამგე.

   1999-2004 წლებში აწარმოებდა ბიზნესს ამერიკის შეერთებულ შტატებში: ნიუ-იორკის, ნიუ-ჯერსის, ნიუ-ჰემპშირის, ჩრდილო კაროლინის შტატებში, ამავდროულად იყო ამერიკის წითელი ჯვრის აქტივისტი. მიღებული აქვს ამერიკის წითელი ჯვრის ჯილდოები.

   2004-2006 წლებში იყო საქართველოს პარლამენტის გარემოს დაცვისა და ბუნებრივი რესურსების კომიტეტში მოწვეული სპეციალისტი. 

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 189 გვ.

ჯილდოები, პრემიები და პრიზები

  • ამერიკის წითელი ჯვრის ჯილდო