ალექსანდრე ქუთათელი

დაბადების ადგილი: ქ. ქუთაისი.

1916-1918წწ. სწავლობდა კიევის უნივერსიტეტის სამედიცინო ფაკულტეტზე; 1918 წლიდან - თბილისის სახელმწიფო უნივერსიტეტის სიბრძნისმეტყველების ფაკულტეტზე.

1922-1924წწ. იყო ქართული დივიზიის პირველი პოლკის კლუბის გამგის მოადგილე; 1924-1926წწ. თბილისის მე-8 სკოლის, ხოლო 1928-1930წწ. მე-7 შრომის სკოლის პედაგოგი; 1930-1934წწ. - ცენტრალური პარტიული სკოლის ლექტორი; 1936-1940წწ. - ჟურნალ "მნათობის" რედაქციის, 1952 წლიდან კი საქართველოს მწერალთა კავშირის სექციის პროზის განყოფილების გამგე. ცალკე წიგნად არის გამოცემული მისი რომანები, ნოველები და ლექსები. ავტორია პოემისა "ბედი მდევარი"; მისი რომანი "პირისპირ", აგრეთვე ზოგიერთი მოთხრობა და ლექსი თარგმნილია რუსულ, ბელორუსულ, ჩეხურ, პოლონურ და ფრანგულ ენებზე. ავტორია ნაწარმოებებისა: "ხირსეს გველი" (პიესა), "შუაღამე გადავიდა" (პიესა), "მუზაეა", "გლოვა", "პარტიზანები", "გაიანე". მიღებული ჰქონდა სახელმწიფო ჯილდოები.

წყარო: მამულიშვილთა სავანე. - თბ., 1994. - გვ.349; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.369; კარგ ქართველთა საფლავები: geonecropol.ge

• საქართველოს საბჭოთა მწერლების კავშირი, წევრი (1934-)

• ხალხთა მეგობრობის ორდენი
• შრომის წითელი დროშის ორდენი
• მედალი "შრომითი მამაცობისთვის"

• პირისპირ : რომანი 4 წიგნად (ავტორი) // წ. 3-4. - თბილისი, 1989. - 515გვ.
• პირისპირ : რომანი 4 წიგნად (ავტორი) // წ. 1-2 . - თბილისი, საბჭ. საქართველო, 1985. - 576გვ.
• აბესალომ და ეთერი (ავტორი). - თბილისი, საბლიტგამი, 1959. - 108გვ.
• მებრძოლები : მოთხრობები (ავტორი). - თბილისი, ფედერაცია, 1942. - 130გვ.
• ლექსები (ავტორი). - თბილისი, ფედერაცია, 1941. - 256გვ.