25-26 ივნისს თბილისის ისტორიის მუზეუმ „ქარვასლაში“ (სიონის ქ. N8) წიგნის ფესტივალი „ტიფლისი“ გაიმართა. ღონისძიება 25 ივნისს 19:00 საათზე გაიხსნა.

ფესტივალი ქალაქ თბილისის მერიისა და საქართველოს ეროვნული ბიბლიოთეკის მხარდაჭერით ჩატარდა. ღონისძიების ორგანიზატორები არიან ორგანიზაციები „თბილისის იდუმალი ბაღები“ და „ქოლგა“.

ქალაქის ისტორიისა და ლიტერატურის მოყვარულებს ფესტივალზე იხილეს:

* თბილისზე დაწერილი ძველი და თანამედროვე წიგნების გამოფენა-გაყიდვა;

* იშვიათი ბუკინისტური გამოცემები;

* შეხვედრები ავტორებთან, მკვლევრებთან და გამომცემლებთან;

* საჯარო ლექციები და ძველი თბილისის ფოტო/ვიდეო მასალების ჩვენება;

* თბილისზე შექმნილი ცნობილი მხატვრების ნახატების გამოფენა.

* ეროვნული ბიბლიოთეკის წიგნის ბუდე დედაქალაქში - "ქარვასლაში".

ახალი წიგნის ბუდე ფესტივალი "ტიფლისის" ფარგლებში გახსნა ეროვნული ბიბლიოთეკის გენერალური დირექტორის მოადგილემ, მირიან ხოსიტაშვილმა.