საქართველოს პარლამენტის ეროვნული ბიბლიოთეკის გენერალური დირექტორი კონსტანტინე გამსახურდია ტაჯიკეთის მეცნიერებათა აკადემიის ცენტრალური ბიბლიოთეკის დირექტორს, დუშამბეს უნივერსიტეტის პროფესორ შოდიმუჰამედ სუფიზადეს შეხვდა.
საუბარი შეეხო ბიბლიოთეკებს შორის მომავალ ურთიერთობებს. სტუმარი დაინტერესდა საქართველოს პარლამენტის ეროვნული ბიბლიოთეკის აღმოსავლური დარბაზით, წიგნების გაცვლით, ასევე ერთობლივი ელექტრონული ბაზების შექმნით, რომლითაც ორივე მხარე ისარგებლებდა. ეს ბაზა უნდა იყოს ქართულ, ფარსიზე (სპარსულ), რუსულ და ინგლისურ ენებზე.